( أشكي لمين )
أشكي لمين يآ قلبي لوعتي وعذآب الليالي
ومين هيحس بيآ لَّما أشكيله ويصعب عليه حآلي
ظلمني حبيبي وظلمك يآ قلبي معآه سنين
إزاي يبقي حبيبي ونآسيني ولمين أشكي عذآبي لمين
لآ يوم صُعب عليه لوعتي وشكوتي
ولآ هآن عليه يوم يمسحلي دمعتي
ولآ إهتم يوم يشوف في عيني مره فرحتي
يخونك يآ قاسي سهر الليالي وصبري عليك
وحكآوي قلبي ليلآتي لخيالي عن أحلآمي وحبي ليك
ورعشة إيديآ اللي گانت صعبانه عليا لما تناديك
بتتمناك وبتترجاك تيجيلي وتحضن إيديك
نآسي قلبي اللي گان بيبكي ويشكي
وعن حبه وشوقه لعنيك عمال يحكي
وويآ عُزالي يآ قاسي كنت أضحك وأداري
وأخبي دمع عيني لآ يشمتوا فيآ وفيك حُسآدي
ولما يكلموني عنك ويفكروني بيك أقول فيك كلام جميل
وجوآيا غصب عني گان بيتألم منك قلبي العليل
وأقول لكل الناس حبيبي قلبه أحن قلب فالوجود
رآح فين حنانك حبيبي ورآح فين حبك وفين الوعود
يآريت گان قلبي قآسي عليك زي قسوة قلبك عليا
مكنش حبك عذبني ولا لوعني بعدك وكوآني قربك ليا
ومكنش بقي ده حالي منك وفضلت عآيش مرتاح الفكر والبال
مهما ظلمني قلبك وخآصمني ودك وهجرك ليا طال
لكن أعمل إيه في قلبي وحنيته عليك مخليني يآحبيبي أسير لقلبك
ومهما تعبني حبك مقدرش أنساك أو أستغني يوم عنك
وأملي تحن عليا إنت وقلبك وأعيش وياك وأتهني بقربك وحبك
خواطر..( أشرف الدغيدي )
حقوق الملكية محفوظه
ليست هناك تعليقات:
إرسال تعليق