البراويز او الاطارات وجودها في البيت ببيغير شكله وبيدينا مساحة للتعبير ، وبيدي انطباع للزاير عن شخصيتنا في المكان ، كل ما نغير مكان البراويز او نضيف عليهم ترتيب مختلف بيدي الغرفة شكل مختلف تماما عن اللي قبله رغم اننا بس غيرنا مكان البرواز او ضيفنا واحد والباقي زي ماهو، البراويز دي من هوم سنتر ، ورخيصة مش غالية ، جبت منهم مجمعتين كل مجموعة 5 براويز ، بس حطيت مجموعه واحدة على امل اني ازودهم بعدين بصور تانية ، الحلو فيهم اننا نقدر نحط فيهم اي صورة احنا عايزنا او كلمة او حرف ، يعني مش جاهزين ، وكمان صغيرين يعني ممكن نضيف مجموعتين مع بعض لنفس الحيطة ونرتبهم زي ما نحب.
دي مساحات الصور اللي نقدر نحطها فيهم ، مكتوبة على البراويز :
1. صورتين 10 * 15 سم
2. صورتين 9 * 12 سم
3. صورتين 15* 20 سم
طبعا ده مقاسات الصور مش البراويز من بره ، البرواز اكبر من كدة ومساحة الزجاج كمان اكبر من كده لانه في اطار ابيض داخل البرواز حول الصورة.
دي مقاسات البراويز الخارجية :
1. اتنين 20 * 15 سم
2. اتنين 17 * 12 سم
3. واحد 27 * 22 سم
ممكن نحطهم بالعرض او الطول على حسب الترتيب اللي احنا نختاره .
في الملف ده الصور اللي انا حطاها حاليا ، فيهم صورة وحكمتين وايه قرآنية وحرف A لجوزي وابني ، مظبوطين على مقاسات البراويز ، ممكن بس نغير الصورة باي صورة تانية انما الاطارالخارجي في الملف مظبوط على مقاسات الصور اللي كتباها فوق.
