"هتصرف عليا أنا وأبوك".. عمر الشناوي يحتفل بعيد ميلاد ابن زوجته من محمد الكيلاني

احتفل الفنان المصري عمر الشناوي، بعيد ميلاد "حمزة الكيلاني" ابن زوجته هند حداد، مبينا أن الأخير يوجه إليه أسئلة غريبة يفشل بالإجابة عنها، متمنيا له السعادة الدائمة.

ونشر الشناوي عبر حسابه الرسمي على موقع تبادل الصور والفيديوهات “إنستجرام” ؛ إذ ظهر وهو يحتضنه، وأرفق الصورة بتعليق أعرب من خلاله عن حبه له، قائلا: “عيد ميلاد سعيد يا ابني .. أتمنى لك حياة مليئة بالسعادة والنجاح .. هتكون ملياردير في يوم وهتصرف عليا أنا وأبوك”.

وكان قد كشف الفنان عمر الشناوي تفاصيل علاقته بابن زوجته من الفنان محمد الكيلاني، موضحًا إلى أنه يعيش معه ومع زوجته طيلة الأسبوع عدا يومي الإجازة في نهاية الأسبوع يذهب لوالده.

وأضاف عمر الشناوي خلال استضافته في برنامج الستات عبر قناة سي بي سي: عندي حسن عمره 4 سنين وحمزة ابن مراتي عمره 10 سنين، وعايشين مع بعض ست سنين وهو شخصيته ذكية خارق مش طبيعي مخه أكبر من سنه بكتير دايما بيطلعني غلطان لما نتناقش في سؤال علمي ويقول لي غلط ولما نعمل سيرش يطلع هو اللي صح.

وأضاف عمر الشناوي: هو ابن صديقي محمد الكيلاني اللي ما بقاش صديقي لأن ولادنا أخوات علشان كده بعتبره أخويا ولو ماكنش في أطفال كان هيكون طليق مراتي.

من ناحية أخرى، تحدث عمر الشناوي عن الأماكن التي يحب الذهاب إليها في الصيف قائلًا: كنت بحب الساحل من تمن سنين، لأني كنت لما بروح برتاح، دلوقتي سواقة عربيات وبوابات وبكون محتاج إجازة تاني علشان أريح، وحاليًا بحب بروح راس سدر لأني بقدر أسيب ابني في البحر ومش بكون قلقان عليه والمكان صغير والناس اللي فيه تعرف بعض عن الساحل اللي بقى مدينة كبيرة.