[المقطع الأول]
أم أحمد في البلكونة تشوفها تقول طفلة صغنونة
بتزغرط ويا جارتها للي قدروا يفرحونا
أيمن سواق مقطورة وفرحته عايزالها صورة
كاتب فوق العربية يا بلادي دايمًا منصورة
مينا الحلاق سهران ويا صحابه في الدكان
كله يرقص، كله يغني، كله الليلة دي فرحان
الأسطى قصاد الورشة ويا القهوجي عامل دوشة
ميرنا وليلى وفريدة آخر رقص وآخر روشة

[اللازمة]
أم أحمد في البلكونة
أم أحمد في البلكونة
أم أحمد، أم أحمد
أم أحمد في البلكونة
في البلكونة

[المقطع الثاني]
زيكا عامل شبورة، جايب كل تاريخ الكورة
على طول بيوطي صوته أول ما تعدي الأمورة
ع القهوة خمسة ستة تخلص نكتة تبدأ نتكة
ضحكتهم جايبة الشارع كله لآخر بيت في الحتة
عمك شحتة الجزار ويا زباينه قالبها هزار
أنور واقف مستعجل أرجوكم عندي مشوار
عند إيڤون الكوافيرة خالتك شادية جت ع السيرة
قالت عزماكم تجوني في خطوبة بنتي الكبيرة

[اللازمة]
أم أحمد في البلكونة
أم أحمد في البلكونة
أم أحمد، أم أحمد
أم أحمد في البلكونة

[اللازمة]
أم أحمد في البلكونة تشوفها تقول طفلة صغنونة
بتزغرط ويا جارتها للي قدروا يفرحونا
أم أحمد في البلكونة
أم أحمد، أم أحمد
أم أحمد في البلكونة