• تامر حسني:"من حقي أعرف أنا في أي فصل في المطار ده"
• تامر حسني: "يلا سلام يا شباب بيقولوا الطيارة وصلت وأي جديد هعرفكم سلام"

قال الفنان تامر حسني إنه تعرض لموقف صعب ومحرج أثناء سفره إلى الخارج لإحياء عدد من الحفلات، الأمر الذي أثار استياءه.

اقرأ أيضاً : تامر حسني ورسالة مطولة لجمهوره: "محتاج دعواتكم جداُ"

ونشر "نجم الجيل" صورة عبر حسابه على "إنستغرام" ظهر فيها مع اثنين من أعضاء فرقته في المطار بدا عليهم الملل أثناء انتظار الطائرة التي ستقلّهم إلى وجهتهم.

وعلق تامر حسني على الصورة: "الطياره اتأخرت والجو من برد جداً لحر جداً... من حقي أعرف أنا في أي فصل في المطار ده؟".

وأضاف: "وعملت كل حاجة، نمت وصحيت واتعرفت على أجانب كتير وبنحضّر مشاريع دلوقتي ولسّه الطياره مجاتش... على كلٍ ده بقى وتخيلوا أروح ملاقيش حد عارفني في بونتكانا... اكرم يا رب... بس دي كل قصتي في الـ ٨ ساعات اللي بقوا ٩ ساعات، يلا سلام يا شباب بيقولوا الطيارة وصلت وأي جديد هعرفكم سلام".

رسالة مطولة

وفي سياق منفصل، وجه الفنان المصري تامر حسني رسالة مطولة لمتابعيه بمناسبة منتصف شهر شعبان، داعيا إياهم للالتزام ببعض الأعمال الدينية في هذه الفترة.

وكتب تامر حسني في منشور له: "صباح الخير على اغلى الناس .. معلش بعد اذنكم اقرأوا كلامي للاخر … (( نص شهر شعبان )) من النهارده لبكرا اعمالنا بتترفع لربنا يعني كلنا نلحق نستغفر و نطلب من ربنا يسامحنا .. محدش يتخيل انه عمل اخطاء كتير فمالوش عين يطلب لا لا لا مهما عملت ..اطلب حالاً و ياريت لو نصوم بكره انا هعمل كده أي حد عنده شغل ياريت يفضي شوية وقت عشان يستغفر و يدعي كتير بقدر الإمكان .. "

وتابع تامر: "اليوم ده ليه سحر وانا جربته كتير قبل كده و هتحسوا في قلوبكم ان في حاجه اتشالت من عليكم و بقيتوا مبسوطين اكتر ،، ادعوا بكل اللي تتمنوه اوي اوي فرصه لاي حد عمل ذنب كبير غصب عنه او قاصد بس ندمان فرصه ان ربنا يسامحه دلوقتي بس نفتكره و نطلب منه يلا يا جماعه من دلوقتي لبكرا.