كلمات اغنية سيرة الحب - ام كلثوم
أغنية " سيرة الحب " غنتها كوكب الشرق أم كلثوم سنة 1964
أغنية : سيرة الحب
============================================================
طول عمري بخاف م الحب وسيرة الحب ... وظلم الحب لكل اصحابه
وأعرف حكايات مليانة آهات ... ودموع وأنين
والعاشقين دابوا ما تابوا دابوا ما تابوا ... طول عمري بقول
لا أنا قد الشوق ... وليالي الشوق
ولا قلبي قد عذابه وقابلتك إنت ... لقيتك بتغير كل حياتي
ما عرفش إزاي حبيتك
ما عرفش إزاي يا حياتي
من همسة حب لقيتني بحب
لقيتني بحب وأدوب في الحب
أه .. أدوب في الحب وصبح وليل وليل على بابه
==================================================
شفت كثير كثير وقليل عاشقين
اللي بيشكي حاله لحاله واللي بيبكي على مواله
ياما الحب نده على قلبي ما ردش قلبي جواب
ياما الشوق حاول يحايلني واقول له روح يا عذاب
ياما عيون شاغلوني لكن ولا شغلوني
ياما عيون شاغلوني، شاغلوني لكن ولا شغلوني
إلا عيونك إنت دول بس اللي خذوني، خذوني
وبحبك أمروني
أمروني أحب لقيتني بحب
لقيتني بحب وأدوب في الحب
أه .. أدوب في الحب وصبح وليل وليل على بابه
==================================================
يا اللي ظلمتوا الحب وقلتوا وعدتوا عليه
قلتوا عليه مش عارف إيه
العيب فيكم يا في حبايبكم
أما الحب، أما الحب يا روحي عليه، يا روحي عليه
في الدنيا ما فيش أبدا أبدا أحلى من الحب
نتعب، نغلب، نشتكي منه لكن بنحب
في الدنيا ما فيش أبدا أبدا أحلى من الحب
نتعب آه نغلب آه نشتكي منه لكن بنحب
يا سلام ع القلب وتنهيده في وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها في عين العشاق
يا سلام يا سلام على حلوتها يا سلام يا سلام
وأنا خذني الحب لقيتني بحب
لقيتني بحب وأدوب في الحب
أه . أدوب في الحب وصبح وليل، وليل على بابه
==================================================
يا اللي مليت م الحب حياتي أهدي حياتي إليك
روحي، قلبي، عقلي، حبي كلي ملك إيديك
صوتك، نظراتك، همساتك شيء مش معقول
شيء شيء خلى الدنيا
زهور على طول وشموع على طول
الله يا حبيبي على حبك وهنايا معاك
الله يا حبيبي، يا حبيبي الله، الله
ولا دمعة عين جرحت قلبي ولا قولة آه آه آه
ما بقولش في حبك غير الله الله الله
الله يا حبيبي على حبك الله، الله
من كثر الحب لقيتني بحب
لقيتني بحب وأدوب في الحب
أه . أدوب في الحب وصبح وليل، وليل على بابه