قال الفنان أحمد عز، إن حياته الشخصية تتسم بروتين متكرر، مشيرًا إلى أنه في الأيام العادية يستيقظ مبكرًا ويذهب للتمرين، ثم يعود لمشاهدة فيلمين والنوم مرة أخرى.
وأضاف خلال لقاء لبودكاست «big time»، الذي يقدمه الإعلامي عمرو أديب عبر شاشة «mbc»، صباح الخميس: «والله الجمهور لو شافوا عيشتي هيزهقوا، لو معنديش شغل أنا مبحبش السهر، بحب أصحى بدري أروح أتمرن أرجع أتفرج على فيلمين وأنام».
وأكمل: «أو عندي اثنين ثلاثة أصحابي من وإحنا في المدرسة، هما دول اللي مكملين معايا، نسافر أقعد عندهم في البيت أو يقعدوا عندي في البيت».
وأشار إلى أنه يحمد الله على تلك الحياة، لكن أولوياته اختلفت مع التقدم في العمر، قائلًا إنه لا يتمنى من الله سوى منحه المزيد من النجاح.
واستطرد: «كل اللي بطلبه من ربنا يديني نجاح أكتر، النجاح يهمني أكتر من إن يبقى عندي فلوس وأسافر، لإنه بيسعدني ويملاني من جوا ويحسسني إني عملت حاجة».
ولفت إلى أنه يحب عمله جدًا، وكان يعاني من مشكلة في السابق بسبب تقديم عمل واحد في العام، معقبًا: «دلوقتي ممكن أعمل فيلمين ومسرحية، لو مبشتغلش بحس إني بلا هوية وفاضي، وبعد أول أسبوع من الإجازة بزمزق زي العيال الصغيرة»، وفقًا لتعبيره.