مزايا وعيوب موبايل سامسونج القابل للطي Samsung Galaxy Z Flip
كتب: خالد عاصم
في المقال ده هنتكلم عن أحد موبايلات سامسونج القابلة للطي Samsung Galaxy Z Flip وهنتعرف على مميزات وعيوب الموبايل ومتوسط سعره في السوق المصري، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
موبايل Samsung Galaxy Z Flip
المواصفات
- الأبعاد: ٧.٢ × ٧٣٫٦ × ١٦٧.٣ مم للموبايل وهو مفتوح – ١٧٫٣ × ٧٣٫٦ × ٨٧٫٤ مم للموبايل وهو مقفول بوزن ١٨٣ جرام.
- البناء والصناعة: هيكل من الألومنيوم بزجاج كورنينج جوريلا جلاس الإصدار السادس في حماية الضهر وطبقة من البلاستيك على الشاشة.
- الشاشة: شاشة داخلية قابلة للطي Dynamic AMOLED بتعتمد على تصميم الثقب الموجود أعلى منتصف الشاشة، قطر الشاشة ٦٫٧ بوصة بتستحوذ على نسبة ٨٢.٥ في الميه من مساحة الموبايل الأمامية ودقتها ٢٦٣٦ × ١٠٨٠ بيكسل بكثافة ٤٢٥ بيكسل لكل بوصة والشاشة مدعومة بمجموعة من التقنيات المتميزة زي دعم محتوى HDR10 Plus أما الشاشة الخارجية فهي شاشة Super AMOLED قطرها ١٫١ بوصة بدقة ١١٢ × ٣٠٠ بيكسل
- المكونات الداخلية: معالج كوالكوم سنابدراجون ٨٥٥ بلس بمعالج رسوميات Adreno 640 المعدل وبيصدر الموبايل بإصدار بذاكرة عشوائية سعتها ٨ جيجابايت رام بذاكرة داخلية سعتها ٢٥٦ جيجابايت فئة UFS 3.0 والموبايل مش بيقبل كروت الميموري.
- نظام التشغيل: بيعتمد الموبايل على نظام تشغيل اندرويد ١٠ بواجهة مستخدم One UI 2
- الكاميرا الخلفية: مزدوجة العدسات مكونة من عدسة رئيسية دقتها ١٢ ميجا بيكسل بفتحة f/1.8 ودي عدسة عريضة مدعومة بمثبت صورة بصري وبتقنية التركيز التلقائي Dual Pixel PDAF، أما العدسة التانية فبالغة العرض دقتها ١٢ ميجا بيكسل بفتحة f/2.2 وبتقدر الكاميرا الخلفية تصور الفيديو لحد جودة 4K بمعدل ٦٠ إطار في الثانية من بين أكتر من جودة ومعدل تانيين.
- الكاميرا الأمامية: بدقة ١٠ ميجا بيكسل وفتحة f/2.4 مدعومة بتقنية HDR والكاميرا بتقدر تصور الفيديو لحد جودة 4K بمعدل ٣٠ إطار في الثانية.
- الصوتيات: دعم دقة ٣٢ بت/٣٨٤ كيلو هيرتز.
- منفذ 3.5 مم: مش متوفر.
- منفذ الشحن ونقل البيانات: USB Type-C
- ماسح البصمة: جانبي.
- المستشعرات: التسارع – التقارب – الدوران – البوصلة – قياس الضغط الجوي.
- البطارية: سعة ٣٣٠٠ ميللي أمبير في الساعة مدعومة بتقنية الشحن السريع بقوة ١٥ وات وبتقنية الشحن اللاسلكي السريع.
مزايا وعيوب موبايل Samsung Galaxy Z Flip
مزايا موبايل Samsung Galaxy Z Flip
- تصميم مبتكر بيجميع بين كلاسيكية الموبايلات القديمة القابلة للفتح والقفل وبين التقنيات الحديثة اللي بتتمتع بيها الشاشات القابلة للطي في شكلها الجديد
- الموبايل بيتفادى كل المشاكل اللي كانت موجودة في أول إصدار من إصدارات أول موبايلات سامسونج القابلة للطي
- هيكل الموبايل معمول من الألومنيوم وضهره محمي بطبقة من زجاج كورنينج جوريلا الإصدار السادس
- بعد فتح الهاتف الشاشة الداخلية بيكون قطرها كبير زيها زي أي موبايل من الموبايلات المتوفرة دلوقتي يعني هتتعامل مع موبايل بقطر كويس ومناسب لمختلف سيناريوهات الاستخدام
- شاشة الموبايل الداخلية Dynamic AMOLED يعني من أفضل أنواع الشاشات المتوفرة في دلوقتي على مختلف المستويات
- الشاشة بتدعم تقنية HDR10 Plus
- شاشة خارجية صغيرة من نوع Super AMOLED وممكن استخدامها في مجموعة كبير من الوظايف زي الرد على المكالمات وغيرها
- الموبايل بيعتمد على معالج مركزي رائد قوي وبيقدر يقدم اداء مذهل
- الموبايل بيعتمد على رامات سعتها ٨ جيجابايت رام
- الذاكرة الداخلية كبيرة سعتها ٢٥٦ جيجابايت من فئة UFS 3.0 اللي بتتميز بالسرعة
- الكاميرا الخلفية المزدوجة مدعومة بمثبت صورة بصري وبتقدر تقدم اداء قوي وبتدعم تصوير الفيديو لحد جودة 4K
- الكاميرا الأمامية قوية وبتدعم تصوير الفيديو لحد جودة 4K
- الموبايل بيدعم دقة صوت عالية
- الموبايل بيدعم تقنية NFC
- بيشمل الموبايل كل المستشعرات الممكنة
- بطارية الموبايل بتدعم تقنية الشحن السريع والشحن اللاسلكي السريع
عيوب موبايل Samsung Galaxy Z Flip
- طبعًا الاعتماد على موبايل قابل للطي ممكن يعمل شوية مخاوف عند الناس خصوصًا إنها تقنية لسا تعتبر جديدة، وده ممكن مايكونش عيب في الموبايل بس أكيد كونها تقنية جديدة وغالية فده هيأثر على مبيعات الموبايل بشكل كبير
- الموبايل مش بيقبل كروت الميموري
- الشاشة مش بتدعم معدل تحديث ١٢٠ هيرتز اللي بقى متوفر في مختلف موبايلات سامسونج الجديدة
- الموبايل مفيهوش منفذ ٣٫٥ مم
- الكاميرا الخلفية مزدوجة بس لصعوبة الاعتماد في الهيكل ده على أكتر من كده وده ممكن يكون بيقلل من وظايفها شوية في مقابل موبايلات تانية رائدة عادية أو حتى الموبايلات القابلة للطي الأكبر
- ماسح البصم جانبي ودي حاجة مش كل المستخدمين بيفضلوها
- عشان حجم الموبايل الصغير وفكرة الطي فالموبايل بيعتمد على بطارية صغيرة نسبيًا بالمقارنة بالسعات اللي وصلتلها بطاريات الموبايلات الحالية
اتعرف على عروض أسعار موبايل Samsung Galaxy Z Flip من هنا.
اتعرف على مختلف عروض أسعار موبايلات سامسونج المتوفرة على ياقوطة من هنا.
اتعرف على عروض أسعار مختلف الموبايلات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.